Абсорберларни ҳисоблашда қуйидаги параметрлар аниқланади: абсорбент сарфи, қурилманинг диаметри, баландлиги ва гидравлик қаршилиги. Бунинг учун эса қуйидаги параметрлар маълум ёки берилган бўлиши керак: газ сарфи, газ аралашманинг таркиби, бошланғич ва охирги концентрациялари, абсорбентдаги газнинг бошланғич концентрацияси. Абсорбернинг гидравлик қаршилиги қурилманинг конструкцияси ва унинг гидродинамик режимига боғлиқ. Одатда гидравлик қаршилик газнинг оптимал тезлиги бўйича ҳисобланади, у эса ўз навбатида техник–иқтисодий ҳисоблашлар асосида аниқланади. Абсорбер диаметри газнинг чизиқли тезлигига биноан ҳисобланади. Абсорбер баландлиги эса, масса ўтказишнинг модификациялашган тенгламасидан топиш мумкин.