AVTOMOBIL YO’LLARINI LOYIHALASHNI TASHKIL ETISH. 1-Mavzu: LOYIHA QIDIRUV ISHLARINING TURLARI. REJA: Loyiha-qidiruv ishlarining turlariLoyihalash bosqichlari.Texnik-iqtisodiy qidiruvlar.Yo’l qurilishini texnik-iqtisodiy asoslash. Tayanch so’zlar: loyiha, qidiruv ishlari, texnik-iqtisodiy qidiruvlar, texnik-iqtisodiy asoslash. Loyihalanadigan yo’lning xalq xo’jaligi talablarini qondirish darajasi va uni qurish qiymati loyihada istiqbolda ko’zda tutilgan harakatlanish ko’lami va xususiyatlarining sinchiklab hisobga olinishiga, mahalliy tabiiy sharoitlarga, yo’l xizmat qiladigan mintaqalarning rivojlanish rejalariga va yo’l qurishni amalga oshiradigan tashkilotlarning texnik imkoniyatlariga mutlaqo bog’liqdir. Yo’l qurilishi ancha ko’p miqdorda pul mablag’lari, moddiy va mehnat resurslari sarflashni talab etadi. qurilgan yo’lning yuqori transportbop sifatlarini ta’minlash yo’l uchun kamyob yoki xalq xo’jaligining boshqa sohalari uchun juda zarur bo’lgan erlarni olib qo’yish, er qazish ishlari hajmi, tashib keltiriladigan qimmat qurilish materiallaridan foydalanish borasida juda o’ylab hal etilgan va iqtisodiy jihatdan asoslangan echimlar bilan birga qo’shib olib borilishi kerak. Loyihachi har qaysi loyiha echimini o’ylay turib, bu loyihani quruvchilar qanday amalga oshirishlari mumkinligini va bu echim avtomobil transportidan foydalanish sharoitlariga qay darajada ta’sir etishini yaqqol tasavvur etishi kerak. Uning echimi fan va texnikaning eng yangi yutuqlariga asoslanishi va albatta sanoat qurilishining zamonaviy ilg’or usullarini ko’zda tutishi kerak. Yo’lning ishlashi ko’p jihatdan uning joydagi vaziyati bilan belgilanadi. Barcha loyiha echimlari mahalliy xalq xo’jalik va tabiiy sharoitlarni batafsil va chuqur o’rganishga asoslangan bo’lishi kerak.