Бетон ва темирбетон конструкцияларини кучайтиришнинг асосий усуллари Бетон ва темирбетон конструкцияларини кучайтиришнинг асосий усуллари Темирбетон конструкцияларни кучайтиришни асоссан иккита усули мавжуд: кўндаланг кесим юзасини набетонка, халқа ва “куйлак” кўринишида катталаштириш. Набетонкада бир томон, “халқа” да тўрт томон, “куйлак” да эса уч томонга кенгайтирилади;статик иш схемасига ўзгартириш киритиш орқали, юксизлантирувчи конструкциялар ёрдамида. Биринчи усулда ишлаб чиқариш жараёнини тўхтатиш ҳамда конструкцияни катталаштирилган қисмини конструкция ишига қўшилишини таъминлаш учун юкламаларни камайтириш талаб қилинади. Ушбу усулда конструкцияларни кучайтириш учун меҳнат ва вақт кўп сарфланади. Сабаби қўшимча бетонлашни амалга ошириш, бетонни керакли мустаҳкамликка эришиши учун қўшимча вақт сарфланади, лекин бу усул темирбетон конструкцияларини кучайтириш амалиётида кўп қўлланиладиган универсал усул ҳисобланади. Иккинчи усулда темирбетон конструкияларни кучайтиришни амалиётда жуда ҳам аҳамиятли омиллардан бири ҳисобланган ишлаб чиқариш жараёнини тўхтатмаган ҳолда амалга ошириш мумкин. Бунда кучайтириладиган конструкциядаги зўиқишларни биргаликда қабул қиладиган қўшимча юксизлантирувчи конструкция ўрнатилади. Бетон ҳимоя қатламини таъмирлаш Бетон ҳимоя қатламини таъмирлашда қуйидагилар аалга оширилади: чуқурча ва кўчган жойларни тўлдириш, ҳимоя қатламни алмаштириш ёки тиклаш (қисман ёки тўлалигача) Бетон ҳимоя қатламини тўлалигича алмаштирилганда унинг қалинлиги одатдагидан қалинроқ бўлиши эҳтимоллиги ҳам бўлади, ҳар қандай ҳолатларда ишчи арматура учун 3 мм ва монтаж арматуралар учун 2 мм дан кам бўлмаслиги лозим. Бетон ҳимоя қатламини янгилаш қачонки ҳимоя қатлам ҳолати ёмонлашганда, арматурада коррозия пайдо бўлганда ёки бетон ҳимоя қатлами кўчиб кетган ҳолларда амалга оширилади. Бундай ҳолларда эски бетон ҳимоя қатлами тўлалигича олиб ташланиб, арматура занглардан тозаланади. Янги бетон ҳимоя қатлами учун майда донали бетон қоришмасидан фойдаланиланиш тавсия қилинади. Конструкцияни сиртидаги бетон қопламасида сезиларли даражадаги бузилишлар бўлганда, конструкцияни кейинги бузилишларини олдини олиш мақсадида темирбетон “куйлак” кўринишидаги қоплама ҳосил қилиш тавсия қилинади. Бетон ҳимоя қатлами бўйлаб унча катта бўлмаган бузилишларда қўл кучи асосида мастерокдан фойдаланган ҳолда сувоқ ёрдамида текислаш амалга оширилади. Бу усулда ётқизилган қоришма сиртини текислаш учун бир соатдан кейин сув ёрдамида намланиб қуруқ цемент сепилади ва сирт текисланади. Бунда сиртни таъмирлаш учун кўчириб олинган бетон қалинлиги 1 см дан кам бўлмаслиги лозим. Бузилмаган бетон ҳимоя қатламига ўтиш жойида 90° ли бурчак остида поғона ҳосил қилиш керак. Иш ҳажми кўп бўлган ҳолларда бетон қомаламасини ҳосил қилишда торкретлашдан фойдаланиш кўпроқ самара беради ва бунда анчагина зич, мустаҳкам бетон ҳимоя қатлами ҳосил қилинади.