Бино ва иншоотлар конструкцияларини кучайтиришни самарали усулларини танлаш Бино ва иншоотлар конструкцияларини кучайтиришни самарали усулларини танлаш Конструкцияни кучайтириш усулини танлаш бино ва иншоотларни реконструкциясини техник топшириғига боғлиқ ҳолда танланади. Бунда бинонинг ҳажмий-режавий ечимидаги ўзгаришлар, юкламалар миқдорини ўзгариш шароити билан бир қаторда эксплуатация шароитидаги ўзгаришларни ҳисобга олинади. Кучайтириш усулини танлашда имкон даражасидаги барча усуллар таҳлил қилиниши ва иқтисодий, конструктив жиҳатдан энг мақбул вариант қабул қилиниши керак бўлади. Кучайтириш усулини иқтисодий томондан баҳолашда қурилиш ишларига сарфланадиган харажатлар билан биргаликда ишлаб чиқаришни тўхташи натижасидаги харажатларни ҳам ҳисобга олиш лозим бўлади. Қурилиш амалиётида конструкцияларни кучайтиришни самарали усулларини танлаш бўйича таклиф қилинган кўплаб усуллар мавжуд []. Қандай усулда кучайтиришни ташкил қилиш кераклиги тўғрисидаги масалани ҳал қилишда конструкцияларни кучайтириш вариантларни техник иқтисодий асосларни солиштириш орқали иқтисодий жиҳатдан самарали усулни танлаш лозим бўлади. Танланган вариантни рационаллигини мезони сифатида кучайтириш учун сарфланадиган харажатларни энг кам бўлиши қабул қилиниши лозим. Кучайтириш усули вариантларни танлашда техник-иқтисодий жиҳатдан баҳолаш тартиби белгиланган, масалан металл конструкцияларни кучайтириш учун қуйидаги босқичларда амалга оширилиши мумкин: натуравий текшириш натижалари асосида кучайтириладиган конструкцияларни аниқлаш ва уларни статик ҳисобини бажариш;кучайтириш схемасини ишлаб чиқиш ва танлаш;меъёр талабалари асосида кучайтириш элементларни танлаш;ҳосил қилинган кесимни устиворлигини текшириш;кучайтириш элементларни бажариш технологиясини ишлаб чиқиш ва уларни вазнини, тайёрлаш учун меҳнат сарфи ва сарфланадиган маблағни аниқлаш;ҳар бир варант учун материаллар сарфи ва харажатларни аниқлаш;кучайтириш бўйича амалга ошириладиган ишлар технологиясини белгилаш;монтаж қилиш сарф-харажатларини аниқлаш;ташиш харажатларини аниқлаш;кучайтириш ишлари амалга ошириладиган ишлаб чиқариш участкасида фаолиятни тўхташи натижасидаги фойдани камайшини аниқлаш;варинатларни таҳлил қилиш ва энг самаралисини танлаш.Темирбетон, тош ва ёғоч конструкциядан тикланган биноларнинг кучайтириш усулларини танлаш ҳам худди шундай тартибда амалга оширилади.