Blokcheyn texnologiyasining tushunchasi va bank xavfsizligini oshirish usullari   MUNDARIJA: KIRISH………………………………………………………………………...…..3 1-BOB. BLOKCHEYN TEXNOLOGIYASINING NAZARIY TA’SIFI……...7 1.1 Blokcheyn texnologiyasi tushunchasi…………………….................................7 1.2 Blokcheyn bank xavfsizligini qanday oshirishi mumkin………………….…...13 2-BOB. “BULUTLI TEXNOLOGIYALAR” TUSHUNCHASI…………..…..21 2.1 Bulutli hisoblashning afzalliklari……………………………………………...21 2.2 Bulutli hisoblashning kamchiliklari……………………………………….…..31 3-BOB. “BULUTLI TEXNOLOGIYALAR”DAN FOYDALANISH XAVFI…………………………………………………………………………....39 3.1 Bulutli xizmat taqdim etilishi…………………………………………..……..39 3.2 Bulutli infrastruktura komponentlarini samarali tashkil etish va boshqarish…46 XULOSA…………………………………………………………………………53 FOYDALANILGAN ADABIYOTLAR RO‘YXATI………………………….56 KIRISH Mavzuning dolzarbligi. Xarajatlarni kamaytirish, xavfsizlikni oshirish va tranzaktsiyalarning shaffofligini oshirish blokcheynning uchta asosiy kuchli tomonidir. Banklar, biznes va jamiyatning mana shu uch jihatga bo‘lgan ehtiyojidan kelib chiqib, bu boradagi har qanday nazariy ish yoki ishlanma juda dolzarb bo‘lib qoladi. “Bulutli hisoblash” atamasi 2008-yildan boshlab axborot texnologiyalari (IT) bozorida faol ishlatila boshlagan. Bu texnologiya, ishlab chiquvchilarning ta’rifiga ko‘ra, xizmat ko‘rsatuvchi provayder tomonidan boshqariladigan, internet orqali uzatiladigan va ehtiyojga ko‘ra kengaytiriladigan hisoblash resurslari hamda ilovalarni yetkazib beruvchi zamonaviy va ilg‘or yechim sifatida qaraladi. Bulutli texnologiyalar g‘oyasi avvalgi umumiy foydalanuv markazlari konsepsiyasiga qaytib, yangi bosqichda turli xil amaliy xizmatlar asosida shakllanmoqda. Bunday xizmatlarning yorqin namunasi — bu virtual ajratilgan server bo‘lib, u o‘zida maxsus server quvvatlarini yuqori moslashuvchanlik va boshqaruvning qulayligi bilan uyg‘unlashtiradi. Ayrim sohalarda esa bulutli hisoblash texnologiyalari hatto superkompyuterlarga munosib muqobil bo‘la oladi.