Иситиш тизимларини созлаш ва синаш РЕЖА: 1. Иситиш тизимларини созлаш. 2 Иситиш тизимларини синовини ўтказиш. Иситиш тизими монтажи тугагач, тизим гидравлик синовдан ўтказилади. Гидравлик синов кенгайтирувчи қурилма ва иссиқлик ишлаб чиқарувчи ускуна ўчирилган ҳолда амалга оширилади. Кенгайтирувчи ва циркуляцион қувурларга ҳавони чиқариб юборувчи кранлар ўрнатилади. Гидравлик синов бажаришдан олдин тизим водопроводдан берилаѐтган сув билан тўлдирилади, бунда тик ва магистрал қувурларга ўрнатилган барча созловчи хамда хаво кранлари, шунингдек арматуралар очиқ бўлиши керак. Агарда тизимни тўлдириш учун водопровод тизимидаги босим етарли бўлмаса насосдан фойдаланиш лозим. Тизимдаги ҳавони чиқариб юборишни осонлаштириш мақсадида тизим аста секинлик билан сув билан тўлдирилади. Шу билан бир вақтда қаватлар бўйича тизимдан сув оқмаѐтганлиги кўздан кечирилиб боради, агарда силқиб чиқаѐтган сув миқдори сезиларли бўлмаса тизимни тўлдириш давом эттирилади ва аниқланган жойлар бўр билан белгиланиб боради. Гидравлик синовлар аниқланган камчиликлар бартараф этилгач ўтказилади. Иситиш тизими ишчи босимдан 1 ати ортиқча босимда, аммо энг қуйи нуқтада камида 4 ати босимда ўтказилади. Табиий циркуляцияга эга сувли иситиш тизимида ишчи босим гидростатик босим билан, насосли тизимда эса насос хосил этаѐтган босим билан белгиланади. Гидравлик синов ўтказилиш жараѐнида босим водопровод тизими билан ѐки гидравлик пресс ѐрдамида таъминланади. Агарда синов ишлари бошлангандан 5 дақиқа ўтгач манометр кўрсатгичига кўра босим йўқотилиши 0,2 атидан кам бўлса тизим синовдан ўтган хисобланади. Синов ишларини ўтказиш учун бўлимлар қиймати 0.1 ати бўлган текширилган манометрлардан фойдаланилади. Одатда синов ишлари мусбат ҳаво ҳароратида ўтказилади. Аммо бу шартга кўра қиш даврида истиш тизимини фойдаланишга қабул қилинмайди деб ўйлаш нотўғри, лекин тизимдаги барча тик қувурлар галма-гал синовдан ўтказилиш шарти билан тизим гидравлик синовсиз ишга қабул қилинади.