Конструкциялар кесимини катталаштириш орқали кучайтириш Кесим бўйлаб халқа ҳосил қилиб ёки кесимнинг бир томонлама ўстириш орқали конструкция кўндаланг кесимини катталаштириш конструкцияларни кучайтиришнинг энг кўп тарқалган усулларидан ҳисобланади. Ушбу усул бузилмаган ва қаттиқ шикастланган элементларнинг юк кўтариш қобилятини сезиларли дажада оширишга имкон беради. Темирбетон конструкцияларни бир томонлама ўстириш орқали кучайтиришда қўшимча арматура мавжуд арматурага букма, арматура бўлаклари (коротыш), оғма ва вертикал хомутлар ёрдамида пайвандланади. Хомутлар ва арматура бўлакларини пайвандлаш электрпайвандлаш ускунасида икки томонлама флангли чок билан амалга ошириш тавсия қилинади. Қисқа узунликка эга якка ёки тўпланган ҳолдаги маҳаллий шикастланишлар мавжуд бўлганда қуйида келтирилган усуллардан бири ёрдамида конструкцияни маҳаллий кучайтирилади: алоҳида олинган жойда хомут, букик ва бўйлама арматуралар ўрнатилган темирбетон халқа ҳосил қилиш; вертикал зўриқтирилган хоиутлардан тайёрланган металл халқа ҳосил қилиш. Вертикал ва қия дарзлар мавжуд бўлганда хомутлар остига тўсиннинг шикастланган қисмини қамраб оладиган бўйлама тақсимловчи бурчакликлар ўрнатилади. Хомутлар метал тўр устидан торкрет бетон ёки оддий бетон билан қопланади. Устунларни кучайтиришда бетон халқа бўйлама стержен ва хомут ёки спирал арматура билан арматураланади. Халқа қолип ёрдамида бетонланиши ёки торкрет бетон билан қопланиши мумкин. Халқа деворининг қалинлиги оддий бетонлашда 10 см ва торкрет бетон билан қопланганда 5 см дан кам бўлмаслиги лозим. Устуннинг кучайтириладиган қисмидаги бурчакларини ушатиб ташлаш тавсия қилинади. Устуннинг юқори ва паст қисмида устуннинг энг катта ўлчамига тенг бўлган узунликдаги қисмида хомутлар қадами икки марта кичрайтирилади. Устунда маҳаллий шикастланиш ёки нуқсонлар мавжуд бўлганда кучайтириш учун ҳосил қилинадиган халқа шикастланган қисмнинг ҳар иккала қисмига 50 см, лекин кўндаланг кесимнинг энг катта ўлчамидан кам бўлмаган масофага узайтирилган ҳолда ҳосил қилинади. Темирбетон конструкцияларини ўлчамларини катталаштириш орқали мустаҳкамлашда, кучайтириш мўлжалланган кесим томонидаги мавжуд бўйлама арматуранинг кўндаланг кесимининг ярмигача бўлган қисмидаги бетон ҳимоя қатламини кўчириш ташлаш лозим. Шундан сўнг, бетон сирти босим остидаги сув оқими билан ювилади. Агар бирор-бир сабаб билан босим остидаги сув билан ювишни иложи бўлмаса, искана билан силлиқланган ва металл шётка билан тозаланган бетон сиртида чанг зарралари бўлмаслиги учун ҳаво босими билан тозаланади сўнгра сув билан ювилади. Бетоннинг юзаси унга янги бетон қатлами ётқилгунга қадар нам бўлиши керак.Бевосита бетонлашдан олдин эски бетоннинг горизонтал юзаларидан сув кўлмакчалари олиб ташланиши керак. Шундан сўнг бетон юзаси қалинлиги 1-2 мм бўлган таркиби 1:2 нисбатдаги цемент қоришма қатлами билан қопланади. Янги бетон қоришма қатлами ҳосил қилингандан кейин 1,5 соатдан кечиктирмасдан ётқизилиши керак. Очилган арматура стерженлари ифлосликлардан, зангдан пўлат шёткалар ва бошқа ускуналар ёрдамида яхшилаб тозаланиши керак. Мавжуд арматура стерженларини занг қоплаган бўлса искана ёки молоток билан занг плёнкаси олиб ташланади, сўнгра пўлат шётка билан тозаланади ва янги арматура пайвандланади. Бетонлашдан аввал арматура стерженлари қалинлиги 1-2 мм ли 1:2 нисбатдаги цементли қоришма билан қопланади. Мавжуд арматурадаги коррозия ёки ортиқча кучланиш туфайли зарар етказилган пўлат арматура бирикмалари (3.1-расм) қуйидагича кучайтирилади: