Конструкцияларни кучайтириш учун қўлланиладиган материаллар Пўлат конструкциялар Кучайтириш элементлари учун пўлатни маркасини ШНҚ 2.03.05-13 нинг Д-иловаси ҳамда Давлатлараро стандарт ГОСТ 380-2005 “Оддий сифатли углеродли пўлат навлар” асосида, кучайтириладиган конструкция пўлати сифатини ҳисобга олган ҳолда белгиланади. Агар конструкцияда пайванд бирикма қўлланилмаган бўлса ва пўлатнинг пайвандланиши тўғрисида маълумотлар бўлмаса, кучайтириш жараёнида пайвандлаш қўллаш лозим бўлиб қолган ҳолларда конструкция материалини пайвандланишини баҳолаб олиш керак. Кучайтириш учун қўлланиладиган пўлатнинг сифат кўрсаткичлари кучайтириладиган конструкцияни сифатидан (механик хоссалари, пайвандланиши, коррозиябардошлиги) кам бўлмаслиги керак. Агрессив муҳитда эксплуатация қилинадиган конструкцияларни кучайтиришда кучайтириш учун қўлланиладиган материалнинг коррозиябардошлиги асосий конструкция материалининг коррозиябардошлигидан кам бўлмаслиги керак. Темирбетон конструкциялар Кучайтириладиган конструкцияларда қўлланиладиган арматура пўлати ҚМҚ 2.03.01-96 талабларига жавоб бериши керак. Давлатлараро стандарт ГОСТ 8781-82 бўйича арматуралаш учун ишчи арматура сифатида A-I, A-II, А-Ш классли арматуралардан фойдаланилади. Бикр арматура сифатида ГОСТ 8239-89 ва ГОСТ 8240-97 асосидаги швеллер ва қўштаврдан фойдаланилади. Пўлат конструкцияларини кучайтириш учун маркадаги пўлат профилли листлардан фойдаланилади. Кучайтириш ишларида электр ёйидан фойдаланиб пайвандлаш ишларида ва русумли электродлардан фойдаланиш тавсия қилинади. Агрессив муҳитда эксплуатация қилинадиган конструкциялар учун ушбу муҳитга мос келадиган зичликка эга бўлган ва бардошлилиги етарли бўлган бетондан фойдаланиш лозим. Контрукциялар тутатиш жойларидаги тирқишларни тўлдириш учун қўлланиладиган майда донали бетоннинг класси B20 дан кам бўлмаслиги лозим. ГОСТ 10178-85 бўйича бетон қоришмаси тайёрланиши учун қўлланиладиган боғловчи сифатида маркаси 400 дан кам бўлмаган портланцемент қўлланиши лозим. Кучайтириш ишларини қисқа вақтда бажариш ёки авария ҳолатларини зудлик билан бартараф қилиш лозим бўлганда ГОСТ 11052-74 бўйича гипсгилтупроқли кенгаювчи цемент, ГОСТ 969-77 бўйича гилтупроқли цемент ёки НЦ-20 русумли зўриқтирадиган цемент қўллаш лозим бўлади. Цемент турини танлашда 1.1-жадвалдан фойдаланиш тавсия қилинади. Алоҳида талаблар мавжуд бўлган ҳолларда ҚМҚ 2.03.11-96 “Қурилиш конструкцияларини коррозиядан ҳимоялаш” талабларига мос келадиган махсус турдаги цементлардан фойдаланишни кўзда тутиш лозим. Агрессив муҳитда эксплуатация қилинаётган конструкциялар учун пўлатдаги коррозия жараёнини секинлаштирадиган восита сифатида натрий нитриддан фойдаланиш тавсия қилинади. Кучайтириш ишларини бажаришда бетон таркибига қўшиладиган турли хил тўлдирувчилар, шу жумладан суперпластификаторлар ҳам махсус меъёрий ва услубий кўрсатмаларда келтирилган талаблар асосида қўшилиши амалга ошириш керак. Бетон учун қўлланиладиган тўлдирувчилар ҚМҚ 3.03.01-98 ҳамда ГОСТ 8268-82; 8736-85; 10260-82 ва ГОСТ 10268-80 талабларини бажариши лозим. Вибрация ёрдамида зичланган пайтда тўлдирувчиларнинг йириклиги 20 мм дан ортмаслиги керак. Кучайтириш учун қўлланилган бетон ва халқасимон элементларда арматуралаш фоизи юқори бўлса, тўлдирувчининг йириклиги арматуралар орасидаги масофанинг 2/3 қисмидан ортмаслиги керак. Алоҳида ҳолларда оддий бетон қоришмаси ўрнига мустаҳкамлиги лойиҳавийдан кам бўлмаган майда донали бетон қоришмасидан фойдаланишга рухсат берилади. Майда донали бетон қоришмалари қолипга босим остида юборилади, шунинг учун қоришманинг ёйилувчанлиги 8-9 см, сув-цемент нисбати В/Ц=0,4-4,5, таркиби Ц:Қ>1:1,5 дан кам бўлмаслиги лозим. Бетон қоришмаларини тайёрлаш учун йириклик модули 2,5 бўлган қумдан фойдаланиш зарур бўлади. Бетондаги киришиш деформацияларни камайтиришга кенгайтирувчи ва пластификацияловчи қўшимчалар ёки зўриқтирадиган цементдан фойдаланиш орқали эришилади.