Конструкцияларни кучайтириш учун қўлланиладиган материаллар Тош ва арматош конструкциялар Ғишт терим материалларининг характиристикаларини ҚМҚ 2.03.07-98 асосида аниқланади. Ғишт деворларни кучайтириш учун қўлланиладиган темирбетон халқаларда камида В12,5 синфли бетон қўлланиниши, арматуралашда вертикал арматура ва пайвандланган хомутлардан фойдланиш лозим. Хомутларнинг қадами 15 см дан ортмаслиги лозим. Халқанинг қалинлиги ҳисоб асосида бажарилади ва кўпгина ҳолларда 4-12 см оралиқда бўлади. Арматураланган қоришмали халқа ҳам худди темирбетон сингари арматураланади, лекин бетон ўрнига арматурани ташқи сиртини маркаси М75-100 бўлган цементли қоришма билан қопланади. Қоришмани инекция йўли билан қолипга жойлашда цементли ва цемент-полимерли қоришмалар учун боғловчи сифатида маркаси 400 дан кам бўлмаган портланцемент ва суюқ инекция қоришмаларида унчалик катта ёпишқоқликка эга бўлмаган 400 маркали шлакопортланцемент қўлланилади. Қоришмалар учун майда ёки нафис майдаланган қумдан фойдаланилади. Қумнинг йириклик модули 1,0-1,5 атрофида (ГОСТ 8736-2014), нафис майдаланганларда эса худди цементнинг майдаланганлик даражасига эга бўлиш керак. Қоришма учун ёйилувчанлигини ошириш учун пластификаторлар қўшилади: цемент массасининг 5% атрофида натрий нитрид; полимерцементли нисбати П/Ц=0,05 бўлган поливинилацетат эмулция ПВА; цемент массасининг 0,1% миқдорида нафталин формалдегид (меламин формалдегид), юқори даражада пластиклаштирувчи хусусиятларга эга гидрофобик қатронлар. Мавжуд ғишт теримларни инеёкциялаш усуилида кучайтириш учун цементли (қумсиз, цемент-қумли, цемент-полимерли) ва полимерли қоришмалардан фойдаланилади. Инекция учун мўлжалланган қоришмалар қуйидаги хусусиятларга эга бўлиши лозим: кам сувли (цементли ва цемент-полимерли қоришмалар), етарли ёпишқоқликка эга, сиқилиш ва тишлашиш бўйича талаб қилинган мустаҳкамликка эга, киришиши кам бўлиши ва совуқбардошлиги талаб даражасида бўлиши.