Zamonaviy AO‘T, ularning funksional qismlari (FQ) orasida axborot signallari almashish usullariga qarab markazlashtirilmagan va markaz-lashtirilgan AO‘T ga bo‘linadi. Markazlashtirilmagan boshqarishga ega bo‘lgan AO‘T da axborot har bir 209 FQ yordamida ketma-ket o‘zgartiriladi. Markazlashtirilgan AO‘T da bitta alohida boshqarish qurilmasi – kontroller mavjud bo‘lib, ma’lum dastur bo‘yicha barcha FQ ish faoliyati vaqt bo‘yicha moslashtirilib turiladi. Bu turdagi AO‘T magistral va radial tizimlarga bo‘linadi. Magistral strukturali AO‘T da FQ ish faoliyati bir vaqtda boshqariladi. Magistral sxema yordamida kontrollerdan nafaqat boshqaruvchi signal, balki uning manzili (adresi) ham uzatiladi. Radial AO‘T da FQ ning o‘zaro aloqasi kontroller ishlab chiqaradigan boshqaruvchi signal yordamida amalga oshiriladi. Bu turdagi AO‘T da ehtiyojga qarab FQ soni oshirilishi mumkin. Biroq, bu butun tizimni ishlash jarayoniga salbiy ta’sir etadi. Radial-magistral strukturali sxemalar axborotni o‘zgartirish tezligi AO‘T ning axborot hajmlari va o‘zgartirish tezligini oshirishga imkoniyat beradi.