Ushbu ishda optik uzatish liniyalarini diagnostika qilishda qo‘llaniladigan reflektometrlar, xususan OTDR (Optical Time Domain Reflectometer) va TDR-410 reflektometrlarning ishlash prinsipi, tuzilishi va o‘lchash usullari yoritilgan. OTDR yordamida optik tolali kabelning faqat bir uchidan ulanib, signalning orqaga qaytgan qismini tahlil qilish orqali kabeldagi nuqsonlar, zaiflashuv va yo‘qotishlar aniqlanadi. Reflektogramma orqali kabelning har bir bo‘limidagi o‘zgarishlar vizual tarzda baholanadi. TDR-410 reflektometri esa elektr va telekommunikatsiya kabellaridagi nuqsonlarni aniqlashda qo‘llaniladi. Bu reflektometrlar aloqa tizimlarining sifat nazorati, texnik xizmat va ta’mirlash jarayonlarida muhim rol o‘ynaydi.