Applikatsiya tushunchasi Applikatsiya (lotincha "applicatio" – qo‘shish, yopishtirish) – turli materiallardan kesilgan shakllarni qog‘oz, karton, mato yoki boshqa asosga joylashtirib yopishtirish orqali tasvir yaratish san’ati. Bu usul tasviriy san’atning muhim turlaridan biri bo‘lib, bolalar bog‘chalari, boshlang‘ich maktab va maxsus ta’lim muassasalarida keng qo‘llaniladi. Applikatsiya kichik yoshdagi bolalar uchun san’atning eng qulay turlaridan biri hisoblanadi. Chunki bu usul bolalarning mayda motorikasini rivojlantirish, estetik didini shakllantirish, ijodiy tafakkurini o‘stirishga yordam beradi.