Gaz va suyuq aralashmalarni ajratishning eng universal usuli, yarim o`tkazuvchan to`siq membranalar yordamida ajratishdir. Kimyo va neftni qayta ishlash sanoatlarida membrana usullari azeotrop aralashmalarni ajratishda, eritmalarni tozalash va konstentratsiyasini orttirishda, yuqori molekulali birikmalarni eritmalaridan ajratib olishda; biotexnologiya va medistina sanoatida vakstina, fermentlarni ajratish va tozalashda; oziq - ovqat sanoatida sabzavot va mevalar sharbatlari konstentratsiyasini oshirish uchun, suvni va suvli eritmalarni qayta ishlashda, oqava suvlarni tozalashda membrana jarayonlari keng ko`lamda qo`llaniladi. Gaz aralashmalarni ushbu usulda ajratish jadal ravishda rivojlanmoqda. Havodan kislorodni, geliyni va SO2 ni tabiiy gazdan ajratib olishda ishlatilmoqda. Membranalarni qo`llash mavjud texnologiyalarda katta iqtisodiy samara berishi mumkin va yangi, sodda energetik tejamli va ekologik jihatdan toza texnologiyalar yaratishda keng imkoniyatlar tug`dirishi mumkin.