Kompyuter texnologiyalari kirib borgan har qanday sohada rivojlanish hamda siljish bo‘lishi hech kimga sir emas. Shuning uchun ham har qanday sohada kompyuter qurilmalari, tizimlari va ularning dasturlari kirib kelmoqda. Bundan asosiy maqsad – inson uchun qulaylik yaratish, ishini yengillashtirish, tez hal qilishdan iboratdir. Bundan tashqari kompyuter dasturlari nogironligi bor shaxslarga ham qulaylik va yengillik berib kelayapti. Hozirgi kunda yosh bolalarda nutqi rivojlanishi yoki nutqida uchrab turadigan kamchiliklar mavjud. Shu maqsadda men bitiruv malakaviy ishimni aynan shu sohada, ya’ni kompyuter tizimlarini yaratish hamda ularga dasturiy ta’minot ishlab chiqish bo‘yicha tanladim. Bitiruv malakaviy ishimni mavzusidan kelib chiqib, shuni ayta olamanki bu ish kelajakda nafaqat sog‘lom insonlarga, shu bilan birga gapirishda nuqsoni bor insonlarga ham katta naf keltiradi. Bu ishim hozirda juda katta ko‘lamda bo‘lmasa ham lekin ishboshi safatida qaralishi mumkin. Yangi tizimlarni ishlab chiqish esa bir qancha sarf-harajatlarni talab etadi. Davlatimiz axborot texnologiyalarni rivojlantirish uchun bir qancha qaror va qonunlar ishlab chiqqan. Masalan:  O‘zbekiston Respublikasining “Axborotlashtirish to‘g‘risida”gi Qonuni.  O‘zbekiston Respublikasining “Elektron raqamli imzo to‘g‘risida”gi Qonuni[2].  O‘zbekiston Respublikasining “Elektron hujjat aylanishi to‘g‘risida”gi Qonuni[3].  O‘zbekiston Respublikasining “Aloqa to‘g‘risida”gi Qonuni [4] O‘zbekiston Respublikasining “Axborotlashtirish to‘g‘risida”gi qonunning asosiy maqsadi ham yuqorida aytib o‘tilgan fikrlarni to‘ldirib keladi ya’ni maqsad axborotlashtirish, axborot resurslaridan foydalanishni tartibga solish.[1-5]. Buning uchun bizga himoyalangan yaxshi kompyuter tizimlari kerаk bo‘ladi. Bunday tizimlarni qurib chiqish esa bir muncha qiyinchilikni tug‘diradi. Lekin so‘nggi yillarda yurtimiz hayotida erishilayotgan yutuqlar, sohaning rivojlanishi shuni ko‘rsatadiki, yaqin kelajakda axborot kommunikatsiya, kompyuter tizimlarini rivoji 7 o‘zining muhim bosqichiga yetadi. Bu bilan yangi tizimlarni yaratish hamda bu tizmlardan foydalanishga bo‘lgan talablar ortadi. Davlat har qanday ijobiy texnologik jarayonlarni qo‘llaydi. Yangi texnologiyalarni qo‘llab-quvvatlash davlat tomonidan nazorat ostiga olingani, bu tizimlarga patentlar masalasini hal etilgani shular jumlasidandir. Har qanday soha uchun yaratilgan tizimlar albatta insonlarga yordam berishi ular uchun xizmat qilishi kerak. Naf keltirmaydigan tizimlardan esa vaqtida voz kechgan afzal. Inson hayotiga rahna soluvchi va uning hayotini xavf ostiga qo‘yuvchi tizimlar esa hayotga tatbiq etilmaydi. Dasturiy yoki apparat ta’minot ishlab chiquvchilar shuni inobatga olib ishlashadi. Yangi yaratmoqchi bo‘lgan mahsulotlarini avval foydalilik koeffitsientlarini hisoblab chiqishadi va shu ishga qo‘l urishadi. Ushbu bitiruv malakaviy ishimni aynan shu yo‘nalishda tanlaganimni yana bir sabablaridan biri, insonlar uchun foydali bo‘lgan yangi texnologiyalri o‘rganib chiqish hamda ularga o‘xshash texnologiyani yaratish. Ovozni aniqlash dasturining afzalliklari shundaki, u kompyuter, planshet yoki smartfonda matn terishsiz tezroq yozishni ta’minlaydi. Siz tashqi mikrofon, eshitish vositasi yoki o‘rnatilgan mikrofon bilan gaplashishingiz mumkin va so‘zlaringiz ekranda matn sifatida ko‘rinadi. Ko‘pgina korxona va tashkilotlar o‘zlarining ichki jarayonlarini takomillashtirish, mehnat unumdorligini oshirish, eng avvalo, vaqtni tejash maqsadida ushbu yangi ish uslubini qo‘llamoqda.Shunga qaramay, ovozni tanib olish hali nisbatan yangi va ko‘pchilik uning afzalliklari va undan qanday foydalanish mumkinligiga shubha bilan qarashadi.