Вентиляция тизимларидан фойдаланиш. РЕЖА: 1. Вентиляция тизимларини ишга тушириш. 2. Вентиляция тизимларини созлаш, синаш ва улардан фойдаланиш. Вентиляция тизимларини ишга тушириш, созлаш, синаш ва улардан фойдаланиш Вентиляция ва ҳавони созлаш қурилмалари иш даврида бир-бири билан боғлиқ бўлган кўпгина алоҳида қурилма ва ускуналардан иборат бўлиб мураккаб тизимни ташкил этади. Тизим монтажидан сўнг ҳамда шунингдек ундан фойдаланиш жараѐнида синаш ва созлаш ишлари бажарилади. Синов ишлари вентиляцион тизим ва унга ўрнатилган ускуналарни ҳақиқий ишлаш режимини аниқлаб берса, созлаш ишлари хонадаги ҳаво кўрсатгичларини барқарор бўлишини таъминлаш учун ускуналар ишини талаб этилаѐтган самарадорлигини таъминлаш учун бажарилади. Созлаш жараѐнида ускуналар иши лойиҳадаги (паспортидаги) таснифларга мувофиқ равишда созланади. Синов ишлари техник синов ва эффективлик учун синов (санитар-гигиеник) ишларга бўлинади. Техник синов тизимини ҳақиқий иш режими ҳисобий иш режимига қай даражага мос келишини ва тизим учун тузилаѐтган паспортга зарур бўлган техник таснифларни аниқлаш учун бажарилади. Техник синовда: тизим қуввати, вентилятор ишчи ғилдиракчаларини айланишлар сони ва улар ҳосил қилаѐтган босим ҳамда уларнинг ишлаш давридаги шовқин даражаси; вентиляцион тизимининг барча участкалари бўйича тақсимланаѐтган ҳавонинг ҳақиқий миқдори; ҳаво ўтаѐган қувурнинг уланган жойидаги зичлиги; венетиляцион тирқиш орқали ўтаѐтган ҳаво миқдори; калориферларнинг иссиқлик қуввати ва ҳаво совутгичларнинг бераѐтган совуқ ҳаво миқдори; киритилаѐтган ҳаво ҳарорати; сувнинг ҳарорати ва сарфи; намловчи ва қурутувчи ускуналаридаги буғланаѐтган ва конденсацияланаѐтган намлик миқдори; ҳавони тозалаш қурилмаларидаги ҳавони тозаланиш даражаси ва уларнинг қаршилиги; сарфланаѐтган электр қувват; электр двигател ва бошқа электр ускуналарни созлиги текширилиши лозим. Синов даврида ўрнатилган қийматлар лойиҳада келтирилган қийматларга мос келиши лозим. Лойиха кўрсатгичларидан қуйидаги четга чиқишларга рухсат этилади, %хисобида :харакатланаѐтган ҳаво хажми _ _ _ ±10. Вентиляцион панжаралардаги ҳаво Харкати тезлиги _ _ ±10 Берилаѐтган ҳаво ҳарорати _ _ _ ±2 Ҳаво намлиги _ _ _ ±5 Тизимнинг монтаж шилари тугагач вентиляцион қурилмаларнинг ишлаш давридаги ҳақиқиқй параметрларини аниқлаш учун, фойдаланишга топширишдан олдинги техник синов бажарилади. Созлаш натижасида юқорида келтирилган четга чиқишларни ҳисобга олган ҳолда бу параметрлар лойиҳада келтирилган қийматларга келтирилиши лозим. Бу техник синов ва созлаш ишлари монтаж ишларни бажарган корхона томонидан бажарилади. Лозим бўлиб қолган ҳолда бу иш махсус созловчи корхонага топширилади. Фойдаланишга топширишдан олдинги синов объект ишга туширилишидан олдин бажарилган бўлиши лозим. Синов ишлари тугагач «Вентиляцион ускуналарни созлаш ва синов ишлари бўйича акт» ва «Вентиляцион ускуналар учун паспорт» тузилади. Тизимдан фойдаланиш даврида зарур бўлиб қолганда эксплуатацион техник синов ишлари бажарилади. Бу синов ишлари ускуна ва қурилмалар меъѐрида ишлаѐтганда ва ажралаѐтган зарарли моддалар миқдори барқарор бўлганда бажарилиши лозим. Бундай синовлар қуйидаги ҳолларда: вентиляция тизими билан таъминланган хоналардаги технологик ускуналар фойдаланишга топширилганда; хона ичидаги ҳаво параметрлари санитария меъѐрлари талабига мос келмаслиги аниқланганда; вентиляцион ускуналарни капитал таъмирлаш ѐки унга конструктив ўзгартириш киритилгандан сўнг бажарилади.