Mavzu: Elektr maydonida ionlarning harakati. Elektr oqimi eritma hajmi orqali o'tadigan holatni qarab chiqaylik. Bunda eritmadagi ionlar harakati (elektr oqim o'tishi sababli) ma’lum tartibga tushadi. Ionlarning tartibsiz harakati davom etayotgan eritmaga tashqaridan elektr kuchlanish berilsa, ionlarning harakat yo'nalishlaridan biri afzallikka ega bo'lib qoladi, potensial gradiyenti (ya’ni, potensialning 1 sm masofada pasayishi) qanchalik katta bo'lsa, bu yo'nalishdagi afzallik shunchalik kuchli ifodalanadi. Ionning harakat tezligi deganda, ionlarning afzal yo'nalishdagi biror elektrod tomon m/s yoki sm/s lar hisobida sodir bo'ladigan harakat tezligini tushunish kerak.