Harbiy gigiyenaning maxsus bo’limi bo’lib harbiy mehnat gigiyenasi hisoblanadi. Bu bo’lim harbiy xizmatchilar organizmiga harbiy mehnatdagi maxsus ya’ni spetsifik sharoitlarning ta’sirini o’rganadi. Bunday mehnatning ta’siri harbiy texnikaga xizmat ko’rsatish, undan foydalanish va ta’mirlash jarayonlarida kuzatiladi. Harbiy mehnat gigiyenasining asosiy maqsadi – harbiy xizmatchilarning salomatligini saqlash va uni mustahkamlash, yuqori darajadagi mehnat va jangovorlik holatini ta’minlashdir.