Ildiz kanalining anatomik va fiziologik xususiyatlari; Koronal-apikal kengaytirish usulining mohiyati va tasnifi; Asosiy kengaytirish texnikalari va ularning klinik qo‘llanilishi; Davolash natijalari va zamonaviy yondashuvlar; Endodontik davolashning muhim bosqichlaridan biri ildiz kanallarini kengaytirish bo‘lib, u tish ichidagi infektsiyani to‘liq bartaraf etish, dori vositalarining ta’sirchanligini oshirish va sifatli plombalash imkoniyatini yaratadi. Ildiz kanalining murakkab anatomiyasi va individual xususiyatlari uning kengaytirish usullarini to‘g‘ri tanlashni talab qiladi. Shu jihatdan koronal-apikal kengaytirish usuli klinik amaliyotda keng qo‘llanilib, samarali natijalar bermoqda. Mazkur usulning mohiyati shundan iboratki, kanalning kengaytirilishi uning koronal qismidan boshlab apikal qismigacha bosqichma-bosqich amalga oshiriladi. Bu usul yordamida ildiz kanalining to‘liq mexanik ishlov berilishi va mikroorganizmlar maksimal darajada yo‘q qilinishi ta’minlanadi. Ushbu yondashuvdan foydalanish orqali ildiz kanali ichida to‘g‘ri konus shaklini hosil qilish va keyinchalik plombalash materialining optimal joylashishini ta’minlash mumkin.