Annotatsiya:mazkur maqolada ishlab chiqarish muhitida og‘ir metall tuzlari ta’sirida ishlovchi xodimlarning sog‘lig‘ini saqlash va mehnat faoliyatini barqarorlashtirishda biologik faol qo‘shimchalarning (BFQ) ahamiyati tahlil qilingan. Tadqiqotda ishlab chiqarish jarayonida uchraydigan qo‘rg‘oshin, kadmiy, simob, mis va boshqa og‘ir metallarning inson organizmiga toksik ta’siri, ularning to‘planish mexanizmlari hamda metabolik jarayonlarga salbiy ta’siri yoritilgan. Shuningdek, ularni organizmdan chiqarib tashlash va detoksikatsiya jarayonini jadallashtirishda antioksidant, pektin, aminokislota va vitamin komplekslari tarkibli biologik faol qo‘shimchalarning samaradorligi tajriba asosida o‘rganilgan. Natijalar shuni ko‘rsatadiki, BFQlardan ratsional foydalanish ishlab chiqarish xodimlarining organizmida toksik elementlar miqdorini kamaytirish, immun va ferment tizimlarining funksional faolligini tiklashga ijobiy ta’sir ko‘rsatadi. Kalit so‘zlar:og‘ir metall tuzlari, ishlab chiqarish muhit, toksik ta’sir, biologik faol qo‘shimchalar, detoksikatsiya, antioksidant, pektin, mehnat gigiyenasi, sog‘lomlashtirish, profilaktika.