Фенфлурамин – бошқа препаратлардан фарқи у седатив таъсир қилади ва қон босимини оширмайди. Унинг марказий таъсири серотонинергик системага боғлиқ. Фенфлурамин нерв охирларидан серотонин ажралишини оширади ва қайта сўрилишини камайтиради. Шу билан мия тўқималарида серотониннинг алмашинувини оширади. Бу эса серотониннинг бош мияда камайишига олиб келади. Шу билан бирга фенфлурамин ҳам меъда-ичак йўлида триглицеридларнинг сўрилишини камайтиради ва синтезини сусайтиради. Сўлак безларининг бошқарилиши уларнинг иннервациясига боғликдир. Шунинг учун холиноэргик нервларнинг қўзғалиши сўлакнинг ажралишини кучайтиради (буларга Пилокарпин гидрохлорид, карбохолин, прозерин ва б.) мисол бўлади. Холиноэргик нервларнинг блокланиши яъни М-холиноблокаторларнинг таъсири натижасида сўлак ажралиши камаяди. Бу воситалар асосан гиперсоливацияда, гижжали инвазияда, оғир металл тузлари билан захарланганда қўлланилади. Асосий ножўя таъсирлардан оғизнинг қуриши ҳисобланади.