Қон айланиш системаси касалликлари билан касалланган беморларни текшириш комплекс клиник ёндашувга асосланади ва аниқ ташхис қўйишда муҳим аҳамиятга эга. Текшириш ‘’сўраб-суриштириш (анамнез йиғиш)''дан бошланиб, унда кўкрак оғриғи, нафас қисиши, юрак уришининг тезлашиши, шишлар, чарчоқ каби шикоятлар ҳамда касалликнинг бошланиши ва ривожланиши аниқланади. Кўздан кечириш жараёнида тери ранги (цианоз, оқариш), бўйин веналарининг бўртиб чиқиши, шишлар ва нафас олиш хусусиятлари баҳоланади. Юрак пальпацияси орқали юрак уриши жойлашуви, апикал импульснинг кучайиши ёки силжиши, патологик титроқлар (треморлар) аниқланади. Перкуссия усули эса юрак чегараларини, унинг катталашиши ёки конфигурацияси ўзгаришини белгилаш имконини беради. Ушбу усуллар қон айланиш тизими касалликларини эрта аниқлашда муҳим клиник аҳамият касб этади.