Korxonalarda shovqin darajasi qoʻyiladigan sanitarik gigiyenik talablar Shovqin inson salomatligiga turli yo‘llar bilan salbiy ta’sir qilishi mumkin. Shovqin darajasi 85 dB(A) dan yuqori bo‘lganda, doimiy ta’sir eshitish qobiliyatini pasaytiradi. Yo‘l yoki havo transporti shovqini yurak-qon tomir kasalliklari xavfini 20% gacha oshirishi mumkin. 70 dB dan yuqori shovqin stress gormoni - kortizolni oshiradi. Bolalarda yillar davomida 40 dB dan yuqori shovqin o‘qish qobiliyatini pasaytirishi aniqlangan. Shovqin uyquning sifatsiz bo‘lishiga olib kelishi va uyqu yetishmovchiligi esa kasalliklar xavfini oshirishi mumkin. Shovqin bosh og‘rig‘i, yuqori qon bosimi va boshqa salomatlik muammolariga ham sabab bo‘lishi mumkin.