Mavzu: Mikroorganizmlarning hayot faoliyatida ishlab chiqaradigan moddalari. Mikroorganizmlarning hayoti faoliyatidagi mahsuloti asosida moddalar almashunovi yotadi va natijada ko'pgina mahsulotlar ishlab chiqariladi. Ajratib olingan kulturani identifikatsiya qilishda mikrobning bioximik xususiyatlarini o'rganish katta ahamiyatga ega. Mikrobning bioximik xususiyatlariga fermentlari, pigment, toksinlar hosil qilishlari kiradi. Patogen bakteriyalar saprofitlardan farq qilib, kuchsiz bioximik aktivlikka ega va o'zining tarkibida ma’lum bir ferment tutadi. Bemor odam organizmdan ajratib olingan bakteriyalar bioximik aktivligini aniqlash yuqumli kasalliklarga tashxis quyishni yengillashtiradi. Ekzo va endofermentlar, bulardan tashkari konstitutiv, adaptiv yoki indutsirlangan fermentlar farqlanadi. Indutsirlangan fermentlar bakteriya hujayrasida oziq muhitlar tarkibida ma’lum bir substratlar bo'lganda paydo bo'ladi.