Termodinamika biologik tizimlarning hayotiy faoliyatini chuqur tushunish uchun muhim ilmiy asos hisoblanadi. Organizmning har bir hujayrasi energiya almashinuvi, issiqlik hosil bo‘lishi va tarqalishi kabi murakkab termodinamik jarayonlarni boshqarish orqali o‘z faoliyatini amalga oshiradi. Ushbu jarayonlarning muvozanati buzilganda, turli kasalliklar va patologik holatlar rivojlanishi mumkin. Termodinamik parametrlar, jumladan, harorat, entropiya, entalpiya va energiyaning saqlanish qonuni, organizmning fiziologik va biokimyoviy jarayonlarini tahlil qilishda muhim ahamiyatga ega. Ularning normal chegaradan chetga chiqishi homeostazning buzilishiga, bu esa kasalliklar rivojlanishiga olib keladi. Masalan, gipertermiya va gipotermiya kabi holatlar organizm uchun o‘ta xavfli bo‘lib, ular zamirida termodinamik mexanizmlarning izdan chiqishi yotadi. Mazkur mustaqil ishi doirasida organizmning termodinamik parametrlarini o‘rganish, ularning fiziologik va patologik holatlardagi ahamiyatini tahlil qilish maqsad qilingan. Ishda issiqlik hosil bo‘lishi va almashinuvi, energiyaning biologik tizimlarda saqlanishi, shuningdek, bu jarayonlarning buzilishidan kelib chiqadigan kasalliklar va ularning oldini olish yo‘llari batafsil yoritiladi.