Reja: 1.Mustaqillik yillaridagi tibbiyotni rivojlanishi. 2.Sog’liqni saqlash tizimidagi islohotlar. 3.Xulosa. O‘zbekistonda mustaqillik yillarida tibbiyot sohasida tub islohotlar amalga oshirildi va sog‘liqni saqlash tizimi rivojlantirildi. Mustaqillikdan so‘ng mamlakatda sog‘liqni saqlashni modernizatsiya qilish, aholi uchun sifatli tibbiy xizmatlarni ta’minlash, ilg‘or texnologiyalarni joriy etish va tibbiyot xodimlarining malakasini oshirishga katta e’tibor qaratildi. Sog‘liqni saqlash tizimi islohotlari davlat siyosatining ustuvor yo‘nalishlaridan biriga aylandi. Sog‘liqni saqlash tizimining islohoti bosqichma-bosqich amalga oshirildi va uning asosiy tamoyillari aniq belgilab berildi. Birinchi bosqichda huquqiy asoslarni shakllantirish va sog‘liqni saqlash tizimini boshqarish tizimini mustahkamlashga urg‘u berildi. 1996-yilda qabul qilingan "Fuqarolar sog‘lig‘ini saqlash to‘g‘risida"gi Qonun hamda boshqa normativ hujjatlar tibbiy xizmatlarning huquqiy asoslarini belgiladi. Tibbiyot muassasalarini modernizatsiya qilish, davolash va diagnostika jarayonlariga ilg‘or texnologiyalarni joriy etish, mahalliy va xalqaro tibbiy tajribalarni o‘rganish va qo‘llash islohotlarning muhim tarkibiy qismi bo‘ldi.