Plomba ashyolari – tishdagi yo'qotilgan qattiq to'qimalarni plomba yordamida tiklash uchun ishlatiladigan materiallar majmuasi. XX asrning 60-yillarida amalgama va silikat-sementlar keng qo‘llanilgan bo‘lsa, keyinchalik ularni akril plastmassalar va kompozit materiallar almashtirdi. Bog'lov va vaqtinchalik plomba ashyolari tish bo‘shlig‘ini vaqtincha to‘ldirish uchun bir necha kun davomida qo‘yiladi. Shuningdek, sun'iy dentin kabi maxsus materiallar ham ishlatiladi.