Postvaksinal reaksiyalar va asoratlar. Ota-onalarga ma’lumot berish va birlamchi tibbiy yordam ko’rsatish. (JSST tavsiyalari). Emlashdan keyin yuzaga keladigan asoratlarga quyidagi omillar ta’sir ko’rsatadi: Vaksinaga bog’liq bo’lgan omillar: -preparatning tozaligi; -vaksinani saqlanishi; -vaksina dozasi; -yuborish intervali. Organizm xususiyatlariga bog’liq bo’lgan omillar: -emlanayotgan organizmning individual immun reaktivlik holati; -yosh; -immunodefitsit holat; -organizmning umumiy holati; -nasliy moyillik. Tashki muxitga bog’liq bo’lgan omillar: -ovqatlanish; -uy va mehnat sharoiti; -iqlim; -tashqi fizik - ximik omillar. BSJ BSJ vaksinasi (BCG q Bacillus Calmette Guerin vaccine) sil kasalligi profilaktikasi uchun o’tkaziladi. U zaiflashgan tirik silga qarshivaksina hisoblanadi (tip bovis). BSJ vaksinasi chaqaloklarga (2-4kunda)tug’rukxonada teri ostiga chap yelka tashqi yuzasi uchdan birining yuqori va o’rta chegarasiga yuboriladi. Vaksina yuborilgandan so’ng bo’rtish paydo bo’ladi, yiringlashi mumkin, yara bitgandan so’ng chandikcha qoladi (bu jarayon 2-3 oy, ba’zan undan ortiq davom etadi). Immunitet hosil bo’lganini tekshirish maqsadida har yili bolaga Mantu reaksiyasi ko’yiladi. Emlashda kuzatiladigai reaksiyalar va undan so’nggi asoratlar. Emlashda kuzatiladigan reaksiyalar aksariyat hollarda mahalliy xarakterga ega va uni bajarish talab darajasida o’tkazilmaganda sodir bo’ladi. Odatda vaksina yuborilgan joyda qizarish,shish,infiltrat yuzaga keladi, regional limfa tugunlarining yallig’lanishi kuzatilishi mumkin. Kelloid chandikcha, osteit(suyak yallig’lanishi) va tarqalgan BSJ infeksiyasi juda kam hollarda immunodefitsit mavjud bolalarda kuzatiladi. Emlashga va qayta emlashga moneliklar. Chaqaloqlarga BSJ vaksinasi qo’llashga qarshi ko’rsatma bo’lib, o’tkir kasalliklar (homila ichi infeksiyasi, gemolitik kasallik va boshqalar) va 2-3 darajali chala tugilganlik (<2000 g) hisoblanadi. Agar bolada kuyidagilar aniqlansa qayta emlash (revaksinatsiya)o’tkazilmaydi: tug’ma immunitet tanqisligi, OITS infeksiyasi, onkologik kasalliklar;