Diabetologiyaning ham tibbiy, ham ijtimoiy jihatdan eng muhim muammosi diabetning kechki asoratlarini oldini olish va davolashdir. Kechki asoratlar ko‘p hollarda o‘lim, kasallanish va nogironlikka olib keladi. QD bilan og‘rigan bemorlarda yurak-qon tomir tizimi kasalliklari, jumladan miokard infarkti, insult, oyoq arteriyalarining obliteratsiyalanuvchi kasalliklari QD bo‘lmagan shaxslarga nisbatan 4 barobar ko‘p uchraydi. Oyoq-qo‘l amputatsiyalarining 50%, ko‘rlikning esa 15% aynan QD bilan bog‘liq. Surunkali gemodializdagi bemorlarning 30% QD bilan og‘riydi. QD kompensatsiyasi va kechki asoratlarning yuzaga kelishi o‘rtasida yaqqol bog‘liqlik mavjud. QDning 1-turi bilan og‘rigan, to‘liq insulinoterapiya bilan davolanayotganlarda kechki asoratlarning sekin namoyon bo‘ladi.