Qon aylanish tizimi, bu – yurak-tomir tizimidan, ya’ni qon tashish – transport tizimidan iborat. Uning tarkibiy qismi: yurak, aorta, arteriyalar, venalar, mikrotsirkulyator o‘zan (MSO‘: arteriolalar, prekapillyarlar, kapillyarlar, postkapillyarlar, venulalar va anastomozlar) iborat. YURAK - qon oqimining manbasi; TOMIRLAR – qonni taqsimlash o‘zanlari; MSO‘ – qon va to‘qimalar orasidagi transkapillyar moddalar almashinuvi chegarasi. Bu tizimning ish-faoliyatini – yurakning nerv-o‘tkazuvchi yo‘llari, tomirlar retseptorlari, tomirlarni xarakatlantiruvchi markaz, qonning gumoral omillari, vazokonstriktorlar va vazodilyatorlar boshqaradi.