Сийдикни тутаолмаслик (СТ)– объектив исботланган сийдикнинг ноихтиёрий чиқишидир, у ижтимоий-гигиеник муаммо ҳисобланади(Сийдикни тутиб туриш Халқаро жамияти –ICS,2001). Жаҳонда сийдик тутаолмаслик билан 200 млн.дан ортиқ киши азобланади. АҚШда сийдик тутаолмаслик кекса кишиларнинг асосий муаммоларидан бири бўлиб, 10 млн.дан кўпроқ беморларда сурункали ҳолат сифатида кузатилади. Бу касаллик билан кўпроқ 40 ёшдан ошган аёллар азобланади, уларнинг 30%-да сийдик тутаолмаслик доимий бўлиб, яна 20%-да вақти – вақти билан учрайди.