Tibbiy biologiya va umumiy genetika moduliga kirish. Hujayra biologiyasi. Hujayralarning bo‘linishi va ko‘payish turlari.” Ushbu ma’ruza tibbiy biologiyaning asosiy tushunchalari, mazmuni va o‘rganish obyektlarini talabalarga sodda va aniq tarzda yetkazishga qaratilgan. Ma’ruzada biologiyaning predmeti, uning ilmiy tekshirish usullari, vazifalari hamda boshqa fanlar bilan uzviy aloqasi keng yoritiladi. Shuningdek, tiriklikning mohiyati, uning fundamental xossalari, tiriklikning darajalari va ular o‘rtasidagi bog‘liqlik ilmiy dalillar asosida tushuntiriladi. Ma’ruza davomida qadimgi yunon faylasuflaridan boshlab, Ibn Sino, Karl Linney, Charlz Darvin kabi allomalarning biologiya faniga qo‘shgan hissasi haqida ma’lumot beriladi. Zamonaviy biologiyaning shakllanishi, hujayra nazariyasi, irsiyat qonunlari, evolyutsion qarashlar va molekulyar biologiya rivojining tibbiyotdagi o‘rni alohida ta’kidlanadi. Hujayraning tuzilishi va funksiyasi, hujayralarning bo‘linish jarayonlari, organizmlarning ko‘payish turlari ham ma’ruzaning muhim qismidir. Ushbu ma’lumotlar kelajakdagi tibbiyot, biologiya va genetika bo‘yicha chuqur bilimlar uchun asos yaratadi.