XIRURGIK BEMORLARNI TEKSHIRISHNING ASOSIY QOIDALARI. XIRURGIK BEMORLARNI TEKSHIRISHNING QO'SHIMCHA USULLARI Xirurgik bemor - bu ixtiyoriy (rejalashtirilgan) yoki favqulodda holat bo'ladimi, jarrohlik talab qilishi mumkin bo'lgan holatni baholash, tashxis qo'yish yoki davolashdan o'tayotgan shaxs. Jarrohlik bemorni boshqarishda sog'liqni saqlash guruhining roli operatsiyadan oldingi baholash, operatsiyadan keyingi parvarish va operatsiyadan keyingi boshqaruvni o'z ichiga oladi. Ilmiy texnika taraqqiyoti tibbiyot fani va amaliyotining tarmoqlarini mukammallashtirishga va yangi yo'nalishlarining tez rivojlanishiga shart - sharoit yaratdi. Natijada xirurgik kasalliklarni vaqtida aniqlash imkoniyatlari sezilarli ravishda ortdi. Tadqiqotlar qoʻshimcha metodlarining ahamiyati sezilarli darajaga ko'tarildi. Bemorni tekshirish uchun jarrohlar ilgari qo'llagan ayrim usullar (laboratoriya, rentgenologiya, endoskopiya va boshqalar) zamonaviylashtirilishidan tashqari, mutlaqo yangi metodlar (funksional, ultratovush, radionuklid. imrnunologik va boshqalar) ishlab chiqildi va ular amaliyotda tobora kengroq qo'llanilmoqda. Diagnoz qo'yishda ularning ahamiyati beqiyos oshmoqda. Shuni ham ta'kidlab aytish lozimki, yangi ishlatiladigan metodlar bemorni tekshirishdagi an'anaviy usullarni rad etmaydi va ularning o'rnini to'la bosa olmaydi, jarrohning klinik tafakkuriga bo'lgan talablarni kamaytira olmaydi.