•ЯНГИ ТУҒИЛГАН ЧАҚАЛОҚЛАРНИНГ ШАРТСИЗ РЕФЛЕКСЛАРИ •Янги туғилган чақалоқнинг рефлексларини 3 тоифага бўлиш мумкин: доимий ҳаётий автоматизм рефлекслари, транзитор рудиментар рефлекслар ва орттирилган рефлекслар. •Рефлексларнинг биринчи гуруҳига шох парда, конъюнктивал, фарингеал, ютиш, оёқ-қўлларнинг тендон рефлекслари, орбикулопалпебрал рефлекслари киради. •Рефлексларнинг иккинчи гуруҳига қуйидагилар киради: оғиз сегментар автоматизмлари (эмиш, қидириш, хартумча ва кафт-оғиз), спинал сегментар автоматизмлар (ушлаш рефлекси, Моро рефлекслари, таянч, автоматик юриш, эмаклаш, Галант, Перес), миелоэнцефал позотоник рефлекслар (лабиринт, асимметрик ва симметрик бўйин тоник рефлекслари). •Учинчи гуруҳга мезенцефалик шартли автоматизмлари киради: лабиринт рефлекслари, оддий ва занжирли бўйин ва тана рефлекслари. •Шартсиз рефлекс фаолиятини баҳолаш учун илиқ, яхши ёритилган хонада, йўргаклаш столида қаттиқ юзада амалга оширилиши керак. Бола уйғоқ ҳолда, қорни тўйган, таглиги қуруқ бўлиши керак. Қўлланиладиган воситалар (махсус тадқиқот турларидан ташқари) оғриқ келтирмаслиги керак. Агар ушбу шартлар бажарилмаса рефлекслар ноқулайлик реакциялари билан алмашиниши мумкин. Шартсиз рефлекслар боланинг орқа, қорин ва вертикал ҳолатида баҳоланади.