Fonetikaning maqsadi – fonetik birlikning fizik-akustik, anatomik-fiziologik va lingvistik-funksional asoslarini o'rganish, ularning til mexanizmining rolini aniqlashdan iborat. Fonetikaning quyidagi vazifalari mavjud: a) tovush, urg’u, melodika kabi birliklarning yuzaga kelish qonuniyatlarini o’rganish; b)talabalarni yuqoridagi qonuniyatlar va shu qonuniyatlarga oid ilmiy-nazariy fikrlar bilan tanishtirish; d) adabiy tilning fonetik-fonologik tizimiga oid masalalarni aniqlash, ularga munosabat bildirish; e) talabalarda fonetik tahlil ko’nikmalarini shakllantirish; f) talabalarga shu sohada ishlagan fonetist- fonologlar haqida qisqacha ma'lumot berish.