Yosh avlodni chet tillarida o‘qitish hamda shu tillarda erkin so‘zlasha oladigan mutaxxasislarni tayyorlashni takomillashtirish negizida, yoshlarning jahon sivilizatsiyasi yutuqlari, shuningdek, butun dunyo axborot resurslaridan foydalanishlari, xalqaro hamkorlik va muloqotni rivojlantirish uchun shart - sharoitlar yaratish asosiy maqsad qilib qo‘yiladi. Shu sababdan ham chet tillarini o‘rganish bugungi kunning asosiy talabi bo‘lib qoldi. Mamlakatimizda axborot kommunikatsiya texnologiyalari jadallik bilan rivojlanayotgan, globallashuv, dunyo bozorida raqobat tobora kuchayib borayotgan bir davrda, demokratik taraqqiyot, modernizatsiya va yangilanish borasida belgilangan maqsadlarga erishishda eng muhim qadriyat va hal qiluvchi kuch bo‘lgan bilimli va intellektual rivojlangan avlodni tarbiyalash muhim omil bo‘lmoqda.