SANOAT TRANSPORTI TAVSIFI, YUTUQLARI VA RIVOJLANISH MUAMMOLARIMujassamlangan “sanoat transporti” tushunchasi sanoat, qurilish, qishloq xo‘jaligi va boshqa korxonalarga xizmat ko‘rsatuvchi umumfoydalanilmaydigan transport vositalarini anglatadi. Sanoat transporti joylashishi va vazifalariga ko‘ra, tashqi va korxona ichi transportiga bo‘linadi. Tashqi sanoat transporti vositalari korxonaga keltiriladigan xomashyo, yarim fabrikat, yonilg‘i va boshqa turli xil buyumlarni umumfoydalaniladigan magistral transportidan korxona ichiga va tayyor mahsulotlar hamda bo‘shagan vagonlarni magistral transport yo‘llarigacha tashish bilan shug‘ullanadi. Korxona ichi sanoat transporti xom ashyo, yarim fabrikatlar, turli xil detallar, yonilg‘i va boshqa buyumlarni omborlardan sexlarga, sexlararo va sex ichida, tayyor buyumlarni esa sexlardan omborlarga tashish bilan shug‘ullannadi. Sanoat transportining u yoki bu turining qo‘llanilish soxasi avvalambor yuklarning nomenklaturasi, yuk oqimlarining quvvati va tashishlarning uzoqligi bilan belgilanadi. Masalan, ko‘mir, temir rudali konsentrat, qum, щeben, qum-graviy aralashmasi va boshqa ommaviy uyib tashiladigan yuklar sanoat transportining amalda har qanday turi bilan tashilishi mumkin; xom ruda, aglomerat, saralanadigan mayda ruda — konveyerli, osma-kanatli transport va qisman pnevmotransport bilan tashiladi.