Entomologiyanı ilimiy tiykarda úyreniw XVII ásirden baslanǵan. 1667-jılı Redi shıbın-shirkeyler ústinde ótkergen tájiriybelerin olardıń kóbeyiwin ilimiy tiykarlawǵa baǵıshlaǵan. Sonnan bir jıl ótkennen keyin shıbın-shirkeyler anatomiyasın úyrengen Italiyalıq alım I. Malpigi óz pikirlerin daǵaza etdi. Keyinirek Gollandiyalıq ilimpazlar Layonet hám Svammerdam entomologiya boyınsha izertlewler nátiyjesin baspadan etken. Shıbın-shirkeylerdiń tábiyaat daǵı áhmiyeti haqqında sóz júrgizetuǵın bolsaq, bilgenimizdey, tábiyaatda tek zıyanlı yamasa tek paydalı organizmler bolmaydı. Haywanlardıń paydalı yamasa zıyanlı ekenligi tuwrısında sóz júrgizilgende insanlar olardıń turmıs iskerligi tuwrısında óz mápleri maydanınan sub'ektiv juwmaq shıǵaradı. Júdá túrme-túr hám kóp sanlı bolıwı sebepli shıbın-shirkeyler tábiyaatda júz berip turatuǵın elementler almasıwda zárúrli áhmiyetke iye boladı.